Ўзбекистон чемпионати финалига келган Адлия вазири ғолибларни тақдирлади

2008-2009 йилларда туғилган ўсмирлар ўртасида ўтказилган ушбу мусобақада 9та жамоа учта гуруҳда бўлинган ҳолда ғолиблик учун кураш олиб боришди.

А гуруҳидан Наманган, Навоий ва Фарғона вилояти, Б гуруҳидан Тошкент шаҳри, Андижон ва Хоразм вилояти, С гуруҳидан эса Самарқанд, Сирдарё ва Тошкент вилояти жамоалари ўрин олишди. Афсуски йилнинг сўнгги мусобақасига Қорақалпоғистон Республикаси, Бухоро, Қашқадарё, Сурхондарё ва Жиззах вилоятлари жамоалари етиб келишмади.

Мусобақа Низомига кўра, ўз гуруҳларида ғолиб чиққан ҳамда 2-ўрин эгалари орасида энг яхши натижа қайд этган жамоалар ярим финалга йўл олишди.

Гуруҳ баҳслари натижалари:

А гуруҳи

Наманган – Навоий – 41:36

Фарғона – Наманган – 19:48

Навоий – Фарғона – 41:21

Б гуруҳи

Тошкент ш. – Андижон – 40:52

Хоразм – Тошкент ш. – 33:28

Андижон – Хоразм – 30:22

С гуруҳи

Самарқанд – Тошкент вил. – 42:12

Тошкент вил. – Сирдарё – 12:35

Сирдарё – Самарқанд – 25:40

Шу тариқа ярим финалга Наманган, Андижон ва Самарқанд вилоятлари гуруҳ ғолиби бўлиб, навоийлик ўсмирлар эса энг яхши 2-ўрин соҳиби сифатида йўл олишди.

1/2 финал

Самарқанд – Андижон – 36:33

Наманган – Навоий – 55:31

3-ўрин учун

Навоий – Андижон – 22:21

Финал

Наманган – Самарқанд – 49:36

Мусобақанинг финал ўйини ва ғолибларни тақдирлаш маросимига Ўзбекистон Республикаси Адлия вазири, Ўзбекистон баскетбол федерацияси президенти Руслан Давлетов, Жисмоний тарбия ва спорт вазирининг биринчи ўринбосари Равшан Эрматов, Ўзбекистон ёшлар ишлари агентлиги директорининг ўринбосари Дилноза Каттахонова ҳамда бошқа мутасадди раҳбарлар ташриф буюрди.

Тадбирда сўзга чиққан инсонлар аввало анчайин мураккаб кечган жорий йилда спортда мана шундай ютуқларга эришган ёшларни самимий қутлар экан, уларни яқинлашиб келаётган Янги йил билан ҳам муборакбод этишди ва 2021 йилда янада ёрқин ғалабаларга эришишларини тилашди.

Чемпионат якунида ғолиб ва совриндорлар медаль, диплом ва эсдалик совғалари билан тақдирланишди.