Ўзбекистон Жаҳон чемпионатининг блиц баҳслари саралашида 12 та учрашувнинг барчасида ғалаба қозонди

Кечадан дунёнинг 55 жамоаси иштирок этаётган ушбу нуфузли мусобақада блиц бўйича баҳслар бошланди. Кучли таркиб билан қатнашаётган Ўзбекистон терма жамоаси саралаш босқичидаги 12 та учрашувнинг барида ғалаба қозониб, 24 очко билан С гуруҳи ғолиби сифатида плей-оффга йўл олди. Биз сингари 100 фоизлик натижага биргина WR Chess Team жамоаси эришган. 

Ҳар бир гуруҳдан 4 тадан жамоа плей-офф босқичига йўлланмани қўлга киритди. Ўзбекистон терма жамоаси 1/8 финалда D гуруҳида 4-ўринни эгаллаган Қозоғистоннинг Barys.kz жамоасига қарши баҳс олиб борадиган бўлди. А гуруҳида 1-ўринни банд этган WR Chess Team жамоаси чорак финал чиптаси учун В гуруҳида 4-ўринни эгаллаган Malcolm's Mates шахматчиларига қарши дона суради. 

Блиц. Нокаут тизими. 1/8 финал жуфтликлари

WR Chess Team (A1) - Malcolm's Mates (B4)

Hetman GKS Katowice (D3) - Germany and Friends (C2)

Team MGD1 (D1) - Generation XYZA (C4)

Knight Dance (A3) - Hexamind Chess Team (B2)

Freedom (B1) - FIDE MB Team (A4)

Rookies (C3) - KazChess (D2)

Uzbekistan (C1) - Barys.kz (D4)

Theme International Trading (B3) - Ashdod Elit Chess Club (A2)

Маълумот учун, жамоавий жаҳон чемпионатининг умумий мукофот жамғармаси 500 000 евро бўлиб, рапид учун 310 000, блиц учун эса 190 000 евро ажратилган. Ўзбекистон терма жамоаси рапид мусобақасида қўшимча кўрсаткичларга кўрагина совринли ўринлардан қуруқ қолди. Тўртинчи ўринни эгаллаган жамоамиз 30 000 евро мукофот пулига эга чиқди.