UZ

Сўнгги янгиликлар

13:16Қозоғистон бокс терма жамоаси бош мураббийи Остонада ўтадиган Жаҳон кубоги учун эҳтимолий таркибни айтди 0 12:55Гвардиола ғалати сабаб туфайли “Ман Сити“ни тарк этиши мумкинлиги айтди 0 12:34Парижда Президент соврини учун 30 000 евро мукофот жамғармасига эга турнир ўтказилади 0 12:13Муроджон Аҳмадалиев жангидан 10 кун олдинги машғулотлари қандай кетаётганини кўрсатди (ФОТО) 0 11:52Нодирбек Абдусатторов киберспорт бўйича Жаҳон кубоги йўлланмасига эга чиқди 0 11:31Ўзбекистон кубоги. Бугун гуруҳ босқичи якунланади 0 11:10Достон Бозоров чемпионлик камарини вакант қолдириб, Octagon League'ни тарк этди(ми?) 0 10:49Tepe Sigeman 2025. Жавоҳир Синдаров илк турдаёқ жаҳон чемпионини мағлуб этди 0 10:28Богдан Гусков Никита Крилов билан жангига илк бор муносабат билдирди 0 10:07“Реал“ етакчиси операция қилинади ва келаси мавсум стартини ўтказиб юборади 0 09:46Sharjah Masters 2025. Иккинчи ўзбек дербисида ҳам Абдусатторов ғалаба қозонди 0 09:25Хабибнинг жамоадоши Хотамбек Бойназаровга "вызов" ташлади 0 09:04Икки кундан кейин Олма-Отада Octagon 73 турнири ўтказилади, унда ҳамюртларимиз ҳам иштирок этади 0 08:43"Манчестер Сити" "Борнмут"ни мағлуб этиб, ЕЧЛ йўлланмасини деярли ҳал қилди 0 08:22Шоҳасан Мирзаматов муҳим янгиликни эълон қилди 0

27 июл 16:21
Янгиликлар

Бошқалар

Ўзбекистон крикет федерацияси расман Халқаро крикет кенгаши (ICC) аъзосига айланди

Буюк Британиянинг Бирмингем шаҳрида Халқаро Крикет Кенгаши (ICC)нинг навбатдаги конгресси бўлиб ўтди.

Мазкур конгрессда крикет бўйича бажарилаётган ишлар сарҳисоб қилинди. Конгресс регламентига мувофиқ, крикет ривожланаётган мамлакатларнинг ICCга аъзолик масалалари ҳам муҳокама қилинди. Қувонарлиси, ушбу конгрессда Ўзбекистон крикет федерацияси томонидан амалга оширилаётган ишлар муҳокамага қўйилди ва бир овоздан халқаро крикет кенгашининг аъзолигига қабул қилинди. 

Шу тариқа, Ўзбекистон крикет федерацияси Халқаро крикет кенгаши (ICC) аъзолик рўйхатига 106-давлат сифатида қабул қилинди. Халқаро крикет кенгаши (ICC) конгрессида иштирок этган Ўзбекистон крикет федерацияси раиси Азиз Михлиев шундай дейди.

- Авваламбор, мустақил ва янги Ўзбекистон фарзанди сифатида айтишим мумкинки, давлатимиз раҳбари, ҳурматли Шавкат Мирзиёев ташаббуси ва саъй-ҳаракатлари билан бугун ҳар соҳада, жумладан, жисмоний тарбия ва спортга яратилаётган имкониятлар беқиёс. Шу боис, спортчиларимиз юртимиз байроғини дунё ареналарида кўз-кўз қилишмоқда. Ўзбекистон крикет федерацияси ҳам Халқаро крикет кенгашининг аъзосига айланди ва ушбу муносабат билан барча юртдошларимизни, спортчиларимизни муборакбод этаман. Умид қиламанки, Ўзбекистон крикетчилари ҳам яратилаётган кенг имкониятлардан фойдаланиб, крикет бўйича халқаро мусобақаларда ватанимиз шарафини муносиб ҳимоя қилишади. 

Эслатиб ўтамиз, Халқаро  крикет кенгаши (ICC)нинг Осиё мамлакатларида крикетни ривожлантириш бўлими бошлиғи, олий тоифали халқаро эксперт, жаноб Иқбол Сикандер ва ICCнинг  молиялаштириш ишлари менежери Нитеша Котарийлар 11-13 июль кунлари Тошкентда бўлишиб, ЎКФ фаолияти билан яқиндан танишиб, хулосаларини халқаро крикет кенгаши (ICC) раҳбариятига тақдим этишганди. 

Илҳом РАҲМОНОВ тайёрлади

Рейтинг: -1   

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг