10 июн 17:18
Янгиликлар

Ўқ отиш

Ўзбекистон Кубоги. Мерганлар Навоийда жам бўлишди

Айни кунларда Навоий шаҳрида ёшлар уртасида пневматик қуролдан ўқ отиш бўйича Ўзбекистон кубогининг учинчи босқичи қизғин давом этмоқда.

Мусобақанинг дастлабки куни иштирокчилар пневматик тўппончадан ўқ узиш бўйича маҳоратларини ишга солишди. Натижаларга кўра наманганлик Муҳаммад Камолов 222 очко жамғариб биринчи, Тошкент вилояти спртчиси Абдураҳмон Анарбоев 220 очко билан иккинчи, фарғоналик Шоҳжаҳон Маҳмудов 197 очко билан учинчи ўринни қўлга киритди.

Қизлар ўртасидаги баҳсларда эса Ирода Азимбоева (Тошкент в) биринчи, Мақсуда Керимова (Хоразм в) иккинчи, Бону Тиловбердиева (Тошкент в) учинчи ўринни банд этди.

- Кубок мусобақаларининг барча босқичлари бир-биридан қизиқарли тус олаётганига сабаб ғолибларни таъқиб қилаётган мерганлар янада аниқроқ ҳаракат қилаётган бўлса, етакчилар якунда ўз ўринларини сақлаб қолишга интилишаётганидир,- деди мусобақа ҳаками Ш.Набиев.