Ўзбекистон Кубогида яна 4та вазнда ғолиблар аниқланди

Бу ҳақда Ўзбекистон спорт курашлари ассоциацияси матбуот хизмати хабар бермоқда. Кеча юнон-рум кураши вакиллари 66, 75, 85 ҳамда 130 кг вазн тоифаларида гиламга чиқишди.

66 ва 75 кг вазн тоифаларида шу йилги жаҳон чемпионати совриндорлари Мирзобек Раҳматов ва Жалгас Бердимуратов ғолиблик шохсупасига кўтарилишди.

85 кг вазнда бухоролик Рустам Султонов, энг оғир - 130 кг вазнда эса Рио-2016 Олимпиадаси иштирокчиси Мўминжон Абдуллаев ғолибликни қўлга киритди.

КЕЧАГИ ҒОЛИБ ВА СОВРИНДОРЛАР:

66 кг: 1 – Мирзобек Раҳматов, 2 – Арам Варданян, 3 – Муҳаммадисо Аҳмадалиев (Фарғона) ва Салоҳиддин Холматов .

75 кг: 1 – Жалгас Бердимуратов, 2 – Ислом Неъматов (Андижон), 3 – Даврон Шарипов (Тошкент вилояти) ва Шуҳрат Худойқулов (Самарқанд).

85 кг: 1 – Рустам Султонов (Бухоро), 2 – Эрматбек Шерматов, 3 – Беҳруз Сафаров (Бухоро) ва Нурмурод Сирожов (Фарғона).

130 кг: 1 – Мўминжон Абдуллаев, 2 – Аброр Мамасолиев, 3 – Азамат Баҳодирзода ва Тимур Ўримбоев (Тошкент).