Ўзбекистон терма жамоасининг жаҳон чемпионатида иштирок этадиган таркиби маълум

48кг вазн тоифаси. Бу вазнга Нодиржон эмас, Шодиёр таклиф қилинди. Шодиёрнинг натижалари ҳам яхши бўляпти кейинги пайтларда, аммо сўнги ўзаро жангда Нодиржон ютган эди. Бу нарса унинг фойдасига ишламабди. Шодиёрга ҳам омад.

Адашмасам, Тўлқин Қиличев учун бош мураббийликдаги 1-катта турнир ва ундаги босим ҳамманикидан юқори. Умид қиламизки, яхши натижа кўрсатишади. Худо хохласа, боксчиларимиз иштирокидаги жангларни залдан туриб кўрамиз ва қўллаб қувватлаймиз.

80кг вазнда Одилжон Аслонов таркибдан тушиб қолди дейишяпти. Бу фикрга қўшилмайман. Бу вазнда биз бирор нарсани қойиллатмаганмиз, Бектемир, Дилшод ва ҳатто Одил билан ҳам. Демак, яна бир янги номни кашф қилармиз, ҳеч бўлмаса ўзимиз учун.

Дастлаб Миразизбек Мирзахалилов 57 кг вазнда ишлаяпти деб ўйлаган эдим. Терма жамоа таркибидан эса бу вазн бўйича Абдумалик Халаков жой олди. Тўғри танлов бўлибди деб турсам, Миразизбек 54кг вазнда қатнашмоқчи экан ва таркибга олинмабди. Бу вазнда эса терма таркибида нотаниш боксчини кўряпман ёки ман яхши танимайман, қолганлар эса билади. Нима бўлганда ҳам омад тилайман, Миразиз жаҳон чемпиони бўлган, бўлиб ҳамки Кубалик кучли боксчини финалда ютган эди. Унда тажриба бор эди. Майли охиригача мухлислик қиламиз.

Нодиржон ва Одил Аслоновларнинг нима учун таркибдан тушиб колганлиги тугрисида Бокс федерациясининг расмий изохларини кутиб коламиз. Изох берилиши шарт таркиблар танлови учун.