“Ўзбекистонда туғилган”. Таниқли мутахассис Шавкат Раҳмоновдан кечирим сўради

Аралаш яккакураш бўйича қозоғистонлик жангчи Шавкат Раҳмонов (15:0) канадалик таниқли ММА журналисти Ариэл Хелванини ноқулай аҳволга солиб қўйди.

ММА Hour суҳбати чоғида Хелвани Раҳмоновдан UFC'да қатнашган қозоғистонлик биринчи жангчи бўлиш қандай эканлигини сўради. Мулоқотга Раҳмоновнинг менежери Саят Абудраҳмонов аралашди. Абдураҳмонов Шавкат Раҳмонов Ўзбекистонда туғилганлиги, UFC'даги биринчи қозоғистонлик эса аввалроқ Қирғизистон терма жамоасида ўйнаган Рафаэль Физиев эканлигига ойдинлик киритди.

- UFC'да қозоғистонлик биринчи жангчи бўлишни мақсад қилганмисиз ёки тасодиф туфайли бўлдими?

- Аслида у UFC'да туғилган биринчи қозоғистонлик жангчи эмас, балки UFC шартнома имзоланган биринчи қозоқ жангчиси. У Ўзбекистонда туғилган. UFC'даги биринчи қозоғистонлик Рафаэль. Буни тушунтириш қийин, лекин ...

- Ҳа, бу қийин. Сиз ҳақсиз, бу менинг хатом. Аниқлик киритганингиз учун ташаккур. Кечирасиз, - деди Хелваний бироз хижолат бўлиб.