27 мар 12:58
Янгиликлар

Бокс/ММА

Ўзбекистонлик аралаш яккакурашчи қиз ONE FC промоушенида дебют қилади

Шу кунгача Қозоғистоннинг Alash Pride лигасида ўз жангларини ўтказиб келаётган ҳамюртимиз дунёга машҳур промоушен билан шартнома имзолади.

Гап аралаш яккакураш устамиз Ҳожинисо Камолидинова (2-1) ҳақида кетмоқда. У ММАдаги уччала жангини ҳам Alash Pride лигасида ўтказиб, 2 ғалаба ва 1 мағлубият қайд этган. Ягона мағлубиятини Замзагул Файзоллановадан қабул қилиб олган.

Ҳожинисо Камолидинованинг жанги 29 март куни Таиланд пойтахти Бангкок шаҳрида ташкил этилаётган ONE FC турнири доирасида ўтказилади. Унинг ONE Friday Fights 57 турнири доирасидаги рақибаси япониялик Акари Огата бўлади.

Огатанинг базаси дзюдо спорт тури бўлиб, Олимпиадада ҳам иштирок этган. Каратэ билан профессионал тарзда шуғулланган.