10 янв 19:54
Янгиликлар

Бокс/ММА

Ўзбекистонлик Дмитрий Худяков Octagon лигасида "Йилнинг энг яхши мураббийи" деб топилди. 2023 йилда унинг тўрт нафар шогирди лига чемпионига айланди

ММА бўйича Қозоғистоннинг Octagon лигаси 2023 йилнинг энг яхшиларини аниқламоқда.

Лиганинг якунланган йилдаги энг яхши мураббийи эълон қилинди.

Қувоналиси, ушбу номинацияда Fight Baza клуби бош мураббийи, ўзбекистонлик Дмитрий Худяков ғалаба қозонди.

Таъкидлаш жоиз, 2023 йил давомида унинг тўрт нафар шогирди (Муҳаммаджон Қурбонов, Достон Бозоров*, Ислом Болтаев*, Анвар Абдуллаев) Octagon лигасининг турли вазн тоифаларида чемпионга айланди.

*Достон Бозоров ва Ислом Болтаев ўз вазн тоифаларида Interim, яъни вақтинчалик чемпионлик камари соҳиби ҳисобланади.