17 авг 09:07
Янгиликлар
Бокс/ММА
Ўзбекистонлик жангчи эртага Octagon лигаси чемпионлиги учун октагонга чиқади
Эртага, 18 август куни Озарбайжон пойтахти Боку шаҳрида Octagon 48 мусобақаси бўлиб ўтади.
Биз учун аҳамиятлиси, оқшомнинг марказий жангида ўрта вазн тоифасида ўзбекистонлик аралаш яккакураш устаси Ислом Болтаев (3-2) озарбайжонлик Гундуз Набиев (6-4) билан тўқнаш келади. Жанг мазкур вазндаги вақтинчалик чемпионлик камари учун кечади.
Қизиғи, Болтаев ўзининг сўнгги жангида айнан Гундуз Набиевдан устун келган эди. Ўша жанг 4 март куни Тошкентда ташкил этилган Octagon 42 турнири доирасида ўтказилган эди. Набиев эса Болтаев билан илк жангдан сўнг июнь ойида Мазиар Элҳамивармезани мағлубиятга учратди.
Озарбайжондаги мазкур турнир доирасида ўзбекистонлик яна бир аралаш яккакураш устаси - Достон Бозоров ҳам октагонга чиқиши ҳақида хабар берилган эди. Аммо Бозоровнинг рақиби ҳалигача эълон қилинмаган.
Ҳавола :
Фикрлар