Ўзбекистонлик ММАчи навбатдаги жанги учун таниқли UFC жангчиси билан шуғулланмоқда + ФОТО

Аввал хабар берганимиздек, ярим ўрта вазн тоифасидаги аралаш якка кураш устаси Мирафзал Аҳтамов (6-0-1) 24 февраль куни АҚШнинг Нью-Йорк штатида жойлашган "Niagara Event Center" мажмуасида ўтказиладиган LFA 177 турнирида октагонга чиқади. Ҳамюртимизга бу турнирда бразилиялик Диего Бьянкини (8-1-0) рақиблик қилади.

Аҳтамов мазкур жангга тайёргарлик кўриш мақсадида АҚШга етиб борди. У бўлажак жангига қирғизистонлик Бусурманкул Абдибаит Улуу ҳамда америкалик UFC собиқ жангчиси Кевин Ли билан машғулот олиб бормоқда.