Ўзбекистонлик спортчилар ва Арнольд Шварцнеггер (ФОТО)

АҚШнинг Охайо штати Колумбус шаҳрида анъанавий "Arnold Sports Festival" доирасида самбо баҳслари ташкил этилди.

Арнольд Шварцнеггер томонидан ҳар йили анъанавий тарзда ташкил этиладиган мазкур фестивалнинг самбо баҳсларида ўзбекистонлик спортчилар ҳам иштирок этишди. 

Мусобақада Азизахон Муҳаммаджонова, Ислом Аҳмеджонов, Самариддин Ҳикматуллаев, Санжар Ҳикматуллаев, Жаҳонгир Аҳмаджонов каби ҳамюртларимиз барча рақибларини мағлубиятга учратган ҳолда, олтин медални қўлга киритишди. 

Ҳамюртимиз Фаррух Ниязимбетов баҳсларда ҳакам сифатида ишлашди.

Ушбу натижа орқали вакилларимиз умумжамоа ҳисобида иккинчи ўринни олишди. Биринчи ўрин Калифорния штати жамоасига насиб этди.

Қайд этиш лозимки, самбо баҳсларини шахсан Арнольд Шварцнеггернинг ўзи ҳам катта қизиқиш билан томоша қилди ва мазкур спорт тури йилдан-йилга ривожланиб бораётганини қайд этди. Шунингдек, Ўзбекистон спортчиларини ҳам муваффақиятли иштирок билан табриклади.