31 янв 16:02
Янгиликлар

Олимпия ўйинлари, Қишки спорт турлари

Ўзбекистоннинг илк делегацияси Қишки Олимпиадага жўнаб кетди

Хабарингиз бор, 4-20 февраль кунлари Хитой пойтахти Пекин шаҳрида XXIV Қишки олимпия ўйинлари бўлиб ўтади.

Оқ Олимпиадада юртимиз шарафини биргина тоғ чанғичимиз Комилжон Тўхтаев ҳимоя қилади. У айни пайтда Италияда мураббийи билан мусобақага тайёргарликни давом эттирмоқда. Тўхтаев Пекинга тўғридан-тўғри Италиядан чартер рейс билан учади.

Бугун эса Ўзбекистоннинг дастлабки спорт делегацияси Хитойга жўнаб кетди. Биздаги маълумотларга кўра, кичик делегация таркибидан Миллий олимпия қўмитаси Халқаро бўлими бош мутахассиси Нозим Атакулов ҳамда матбуот хизмати вакили Нурали Йўлдошев жой олган. МОҚ бош котиби Ойбек Касимов эса 2 февраль куни Пекинга йўл олади.

Эслатиб ўтамиз, Олимпиаданинг тантанали очилиш маросимида Ўзбекистон Республикаси Президенти Шавкат Мирзиёев ҳам иштирок этади.