"Ўзбеклар - асосий рақобатчилар". Қозоғистонлик собиқ жаҳон чемпиони бўлажак Осиё чемпионати ҳақида гапирди

Бокс бўйича Осиё чемпионати 23 май - 1 июнь кунлари БААнинг Дубай шаҳрида бўлиб ўтади. 

Иккинчи ўрта вазнда IBFнинг собиқ чемпиони Марат Мазимбаев Sports.kz`га берган интервьюсида жамоа таркиби ҳақидаги фикрлари билан ўртоқлашди ва қозоқларнинг мусобақадаги истиқболи ҳақида гапирди.

"Маълум бўлишича, таркибда деярли барча олимпиячилар. Фақат Маҳмуд ва Собитни қўшишди. Бу Олимпиада олдидан синовдир. Олимпия ўйинлари олдидан сиз рейтингга эга бўлишингиз мумкин, шунинг учун юқори ўринларни эгаллашингиз керак, шунда Олимпиадада муҳим бўлган баҳсларда яхши натижа бўлади. Кўриниб турибдики, мураббий барча олимпиячиларни танлаган.

Бизнинг асосий рақобатчиларимиз, албатта ўзбеклар. Ҳозирда ҳиндлар, филиппинликлар, таиландликлар ва японлар ҳам кучли. Аммо ҳамма нарса бизнинг қўлимизда - боксчиларимиз яхши тайёрланиши керак" - дея хулоса қилди мутахассис.