ЎзДЖТСУда 8 март - Халқаро хотин-қизлар куни муносабати билан байрам тадбири ўтказилди + ФОТО

Университетининг профессор-ўқитувчиларидан иборат хотин-қизлар, ишчи-ходимлар ва талаба қизлар таклиф этилган мазкур байрам тадбирида дастлаб университет раҳбарияти уларни байрам билан қутлади. Шундан сўнг бир гуруҳ аёл профессор-ўқитувчилар, илмий ходимлар ва талаба-қизлар университетнинг эсдалик совғалари ва фахрий ёрлиқлари билан мукофотланишди. 

Шунингдек, 8 март байрами муносабати билан аёллар ўртасида университет спорт клуби томонидан ташкил этилган "Дўстлик" спартакиадасининг бадминтон, стол тенниси, стритбол, енгил атлетика, волейбол спорт турлари  бўйича беллашувларида кучли учликдан жой олган ўқитувчи ва талабалар ҳам диплом ва эсдалик совғалари билан тақдирланишди. 

Шундан сўнг пойтахтимиздаги миллий академик драма театрининг актёрлари томонидан тайёрланган бадиий чиқишларига навбат берилди. Таниқли санъаткорлар томонидан ижро этилган куй-қўшиқлар кўнгилларга хушнудлик бағишлади. 

Илҳом РАҲМОНОВ тайёрлади