ЎзДЖТСУда пресс-тур ташкил этилди ФОТОГАЛЕРЕЯ

Ушбу тадбир Ўзбекистон Республикаси Президентининг “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги Фармони ижросини таъминлаш мақсадида ўтказилди. 

Унда журналист ва блогерлар дастлаб, университет маданият саройида жойлашган АРМ, ўқув хоналари, спорт залларида профессор-ўқитувчилар ва талабалар учун яратилган шарт-шароитлар ҳамда университет фаолияти билан танишишди. 

Пресс-тур давомида бокс, кураш, белбоғли кураш, гимнастика, дзюдо, таэквондо, каратэ спорт турлари бўйича педагогик маҳорат дарсларида Олимпиада ўйинлари, Осиё ва жаҳон чемпионатларининг совриндорлари иштирокида кўргазмали чиқиш ва мастер-класслар ўтказилди. 

Шунингдек, тадбир доирасида журналистлар, блогерлар ҳамда университет раҳбарияти билан учрашув бўлиб ўтди. Унда журналист ва блогерлар ўзларини қизиқтирган саволлари билан мурожаат қилди ҳамда уларга атрофлича жавоблар олишди. 

Йиғилиш давомида университет ва «Спорт» телеканали ўртасида ўзаро ҳамкорлик меморандумиимзоланди. Учрашув якунида университет раҳбариятига берилган энг яхши савол эгаларига ректорнинг махсус совғалари топширилди.

Шундан сўнг, стол тенниси бўйича “Ректор кубоги”га стартберилди. Мусобақада 40 га яқин журналист ва блогерлар иштирок этишди. Қизиқарли ва муросасиз беллашувларнинг эркаклар ўртасидаги мусобақасида  1-ўрин «Спорт» телеканали журналисти Санжар Муҳаммадхонов, 2-ўрин «Спорт» телеканали журналисти Сардор Раҳимов, 3-ўринни эса Телемарказ ходими Аббосжон Муроджоновлар эгаллади. 

Аёллар ўртасида 1-ўрин «Спорт» телеканали журналисти Малика Эрматова, 2-ўрин Сирдарё вилояти Спортни ривожлантириш бош бошқармаси матбуот котиби Сайёра Ирсқулова, 3-ўринни “Дунё бўйлаб” телеканали журналисти Озода Тўрақулова эгаллади. Беллашувлар якунлангач, ғолиб ва совриндорлар эсдалик совғалари билан тақдирланишди.

Илҳом РАҲМОНОВ тайёрлади, ўз мухбиримиз