27 июн 15:29
Янгиликлар

Бокс/ММА

Пакьяо - Турман жанги рефериси маълум бўлди

Невада штати Спорт комиссияси Мэнни Пакьяо ва Кит Турман ўртасида ўтказиладиган чемпионлик жангида ҳакамлик қиладиган рефери номини ошкор қилди.

20 июль кунига мўлжалланган жангда саккиз вазн тоифасида жаҳон чемпиони Мэнни Пакьяо ярим ўрта вазнда WBA чемпиони Кит Турманга қарши рингга кўтарилади. Чемпионлик жангида таниқли рефери Кенни Бейлисс ишлайди. Ринг атрофида Тим Читэм, Дейв Моретти ва Гленн Фельдман очколарни ҳисоблаб боради.

Бейлис Пакьяо иштирокидаги ҳисоб бўйича 11-жангни бошқаради. Кенни 2006 йилда Пакьяонинг Эрик Моралесга қарши ўтказган реванш жангида илк бор ишлаган эди. Бейлисс Кит Турман иштирокидаги иккита жангда ҳакамлик қилган.