25 окт 10:52
Янгиликлар

Бокс/ММА

Пакьяонинг ўғли проф боксда дебют қилади. Рақиб, сана ва манзил аниқ!

Филиппинлик афсонанинг 24 ёшли ўғли Жимель Пакьяо ота изидан бормоқда.

Пакьяонинг тўнғич ўғли 29 ноябрь куни профессионал боксда илк жангини ўтказади. Жимель отасининг афсонавий мураббийи Фредди Роучга тегишли машҳур Wild Card залида ўз машғулотларини ўтказиб келади. Мураббийи - Марвин Самодио.

У 29 ноябрь куни АҚШнинг Калифорния штати Темекула шаҳрида ташкил этиладиган проф бокс оқшомида америкалик Брендан Лэллига қарши рингга кўтарилади. Бу жанг Бренда учун ҳам профессионал боксдаги дебют бўлади. Оқшомнинг асосий жанги эса Лоренцо Парра ва Элайжи Пирс ўртасида ўтказилади.

Эслатиб ўтамиз, 46 ёшли Мэнни Пакьяо шу ёзда боксдаги фаолиятини қайта тиклаганди. Ўшанда у 12 раунд тўлиқ давом этган жангда яримўрта вазнда WBC чемпиони Марио Барриос билан дуранг натижа қайд этган эди.