02 ноя 10:21
Янгиликлар

Теннис

Париж “Мастерс”. Новак Жокович Циципасга 3 та гейм берди

Франция пойтахти Париж шаҳрида ўтказилаётган “Мастерс” сериясига кирувчи турнир ўзининг ҳал қилувчи палласига кирди.

Дунёнинг биринчи ракеткаси Новак Жокович ортиқча қийинчиликсиз мусобақанинг ярим финалига йўл олди. Сербиялик теннис юлдузи чорак финалда ATP рейтингида 7-ўринни эгаллаб турган грециялик Стефанос Циципасни мусобақадан чиқариб юборди.

Жокович 58 дақиқа давом этган учрашувда рақибини 6/1, 6/2 ҳисобида доғда қолдирди. Бу вақт оралиғида 32 ёшли Жокович 5, 21 яшар Циципас эса 3 та эйс зарбасини амалга оширди. Икки теннисчининг ўзаро учрашувларидаги ҳисоб мувозанати тикланди - 2:2. Энди Новак Rolex Paris Masters 1/2 финалида болгариялик Григор Димитровга қарши кортга чиқади.