Паркер Чисорага қарши реванш жангида WBO камарини ҳимоя қилди + ФОТО

"Манчестер Арена" стадионида ўтган оқшомнинг марказий жанги супероғир вазн тоифасида собиқ жаҳон чемпиони, янги зеландиялик Жозеф Паркер (30-2, 21 KO) чемпионлик учун собиқ даъвогар, британиялик Дерек Чисора (32-12, 23 KO)га қарши рингга кўтарилди.  

Бокс кечаси Matchroom Boxing прмоутерлик компанияси томонидан ташкил этилди. Ўн икки раундлик жанг тўлиқ давом этди ва якунда Паркер ҳакмларнинг якдил қарори билан - 14-112, 115-110, 115-111 ҳисобларида ғалаба қозонди. Бу билан у ўзига тегишли қитъалараро WBO камарини ҳимоя қилди.

Эслатиб ўтамиз, шу йилнинг май ойида бу икки боксчи ўртасида ўтказилган илк жангда ҳам Паркер очколар ҳисобига кўра зафар қучганди. Бу Чисора учун фаолиятидаги 44-жанг бўлди. Унинг ҳисобида 32 ғалаба ва 12 мағлубият бор. Паркер эса кеча 30-ғалабасини тантана қилди. Иккита жангда мағлубият аламини тотиб кўрган.