22 авг 18:17
Янгиликлар

Футбол

Пато "Сан-Паулу"дан кетди

Ҳужумчи Алешандре Пато "Сан-Паулу"дан кетганини эълон қилди.

Бу ҳақда 30 ёшли футболчи ўзининг твиттер саҳифасида маълум қилди.

"Фаолиятимдаги яна бир босқич якун топмоқда. "Сан-Паулу"га иш пайтидаги қўллаб-қувватлаш, ишонч ва профессионализм учун миннатдорчилик билдирмоқчиман. Жамоа мухлисларига катта раҳмат. Мен учун бу клубнинг либосини кийиш фахр бўлди", - дейди ҳужумчи.

Форвард "Сан-Паулу" таркибида 11 та ўйинда майдонга тушиб, 3 та гол уришга эришди. Олдинроқ, Алешандре Европага, аниқроғи 2008-2013 йиллар давомида ўйнаган "Милан"га қайтишни хоҳлаётганини айтган эди.