Паула Бадоса Монреалда муваффақиятли старт олди

Дунёнинг 31-ракеткаси бўлиб турган Паула Бадоса мусобақадаги иштирокини ғалаба билан бошлади. Испаниялик теннисчи 1 соату 31 дақиқа давом этган илк давра учрашувида рейтингнинг 47-поғонасидан жой олган швейцариялик Виктория Голубичдан устун келди - 6/2, 6/3.

Баҳс давомида 23 ёшли Паула 2 та эйс зарбасини амалга оширди. Бу теннисчиларнинг ўзаро ўтказган илк учрашуви эди. Энди Бадоса National Bank Open турнирининг иккинчи босқичида канадалик Ребекка Мерино ёки америкалик Мэдисон Кизга қарши кортга чиқади.