20 окт 10:42
Янгиликлар

Теннис

Павлюченкова "Кремль Кубоги" бош соврини учун кортга чиқади

Россия Федерацияси пойтахти Москва шаҳрида ўтказилаётган "Кремль Кубоги"да финалчилар аниқланди.

Сайёрамизнинг 40-ракеткаси Анастасия Павлюченкова ярим финалда рейтингда ўзидан беш поғона юқорида бораётган чехиялик Каролина Муховага қарши баҳс олиб борди. Россиялик теннисчи 2 соату 34 дақиқа давом этган учрашувда рақибасидан 6/4, 6/7(6), 6/1 ҳисобида устун келди.

Баҳс давомида 28 ёшли Павлюченкова ҳам, 23 ёшли Мухова ҳам 5 тадан эйс зарбасини амалга оширишди. Бу теннисчиларнинг ўзаро илк тўқнашуви бўлди. Настя бугун финал баҳсида швейцариялик Белинда Бенчичга қарши кортга чиқади.