Пэдди Пимблетт UFC енгил дивизионидаги ўзи учун энг қийин жангни айтди

Британиялик аралаш яккакураш устаси кўпчилик тахмин қилгандек, дивизионнинг амалдаги чемпиони Илия Топурияни ўзи учун энг қийин рақиб сифатида кўрмайди. Унинг фикрича, унга энг оғир жангни енгил вазн рейтингининг иккинчи поғонасида бораётган россиялик Арман Царукян тақдим этиши мумкин.

"Услуб жиҳатидан Арман Илиядан кўра қийинроқ рақиб. У кўпроқ ҳақиқий енгил вазнли спортчи ва менимча, унинг грепплинги Илияникидан яхшироқ. Топурия зарба беришда кучлироқ, аммо услублар жангида Царукянга қарши тўқнашув мен учун қийинроқ жанг бўлади", - деди Пимблетт.

Эслатиб ўтамиз, Арман Царукян 22 ноябрь куни Қатардаги UFC турнирида навбатдаги жангини ўтказади. У оқшомнинг асосий жангида янги зеландиялик Ден Хукерга қарши октагонга чиқади. Июнь ойида вакант чемпионлик камарини қўлга киритган Илия Топурия эса келаси йили илк чемпионлик ҳимоя жангини ўтказишни режалаштирмоқда. У рейтингда еттинчи ўринни эгаллаб турган Пэдди Пимблеттга қарши жанг ўтказиши мумкин.