Пекин-2022. Австриялик Маттиас Майер 24 соат ичида Олимпиаданинг иккинчи медалини қўлга киритди

Беллашувда австриялик Маттиас Майер 1-ўринни эгаллади. 

Матиас Майер икки кун ичида иккинчи марта шоҳсупага кўтарилди. Душанба куни у тоғ чанғисининг тезкор тушиш йўналишида бронза медалини қўлга киритган эди ва энди у олтин медалга эга чиқди. Майернинг асосий рақобатчиси америкаликРайан Кочран-Сигл бўлди. Ўсмирлар ўртасида икки карра жаҳон чемпиони трассани 1 дақиқа 19,98 сонияда босиб ўтиб, ғолибга 0,04 бой берди. 

Майер учун бу медаль Пекиндаги иккинчиси бўлди. У уч карра Олимпиада чемпионига айланди. Майер Сочи-2014 Олимпиадасида тезкор тушишда чемпион бўлган эди. Шунингдек, Пхёнчхан Олимпиадаси ҳам супергигант баҳсларида шоҳсупанинг энг юқори ўрнидан жой олган. Хитойда ўтаётган Олимпиадада эса у 2 та медални қўлга киритди. Шу тариқа Майер 3 карра қишки Олимпиада чемпиони ва битта бронза медаль соҳибига айланди. 

Тоғ чанғиси. Супергигант

1. Маттиас Майер (Австрия) - 1.19,94.

2. Райан Кочран-Сигл (США) +0,04.

3. Александер Омодт Кильде (Норвегия) +0,42.