15 фев 11:26
Янгиликлар

Олимпия ўйинлари, Қишки спорт турлари

Пекин-2022. Мезбонлар олтинчи олтин медални қўлга киритишди + ФОТО

Теглар : Олимпиада Пекин-2022

Хитойнинг Пекин шаҳрида 24-Қишки олимпия ўйинларининг ўн биринчи кунги баҳслари давом этмоқда.

Бироз аввал куннинг учинчи медаллар жамланмаси ўз эгаларини топди. Эркаклар ўртасидаги сноуборднинг биг-эйр мусобақасида хитойлик Су Имин Олимпиада чемпиони бўлди. Бу Хитой терма жамоасининг Олимпиададаги олтинчи олтин медали эди. Чин юрти жамоаси 6 та олтин, 4 та кумуш, 2 та бронза медали билан 5-ўринни эгаллаб турибди.

Бу Су Мин учун ўз юртида ўтаётган Олимпиададаги иккинчи медаль бўлди. Аввалроқ 17 ёшли Имин слоупстайлда кумуш медални қўлга киритган эди. Сноубордда норвегиялик Монс Ройсланд кумуш, канадалик Макс Парро бронза медалига сазовор бўлди.

Сноуборд. Биг-эйр. Эркаклар

1. Су Имин (Хитой) — 182,50.

2. Монс Ройсланд (Норвегия) — 171,75.

3. Макс Парро (Канада) — 170,25.