13 май 14:07
Янгиликлар

Бокс/ММА

Перейра Анкалаевга қарши реваншдан бош тортди

Яримоғир вазн тоифасида амалдаги ҳамда собиқ UFC чемпионларининг реванш жанги UFC 317 турнирида ўтказилиши режалаштирилаётган эди.

Америкалик таниқли инсайдер Ариэль Хельванининг хабар беришича, бразилиялик Алекс Перейра амалдаги чемпион, россиялик Магомед Анкалаевга қарши реванш жанги ўтказишдан бош тортган. UFC 317 турнири 28 июнь куни бўлиб ўтади. Ҳалигача ушбу рақамланган турнирнинг асосий жанги йўқ.

Эслатиб ўтамиз, Перейра ва Анкалаев ўртасидаги жанг 9 март куни АҚШнинг Невада штати Лас-Вегас шаҳрида ташкил этилган UFC 313 турнири доирасида ўтказилиб, унда Анкалаев очколар ҳисобига кўра ғалаба қозониб, яримоғир вазн тоифасининг янги чемпионига айланган эди.