Перейра дебют жангидаёқ UFC рекордини ўрнатади

У 13 сентябрь куни Сан-Антониода ўткмзиладиган UFC турнирида мексикалик Монтсеррат Рендонга қарши октагонга чиқади. Бу унинг UFC октагонидаги илк жанги бўлади. 

Гап шундаки, жанг куни Перейра UFC тарихидаги энг ёш аёл жангчига айланади. Ўша куни у 19 ёш 8 ойлигу 24 кунлик бўлади. Бундан аввалги рекорд Корея Республикаси вакиласи Чен Ми Жеонга тегишли бўлиб, 2017 йилнинг июнь ойида 19 ёш 9 ойлигу 13 кунлигида UFC промоушенида дебют қилганди. 

Маълумот учун, Алис Перейра ММАда 6 та профессионал жанг ўтказиб, уларнинг барчасида ғалаба қозонган. Тўртта жангда рақибаларини нокаутга учратган, яна бир жангда бўғиб қўйган. Сўнгги жангини Самара Сантосга қарши ўтказиб, очколар ҳисобига кўра зафар қучганди.

Таққослаш учун, 36 ёшли Монтсеррат Рендон Алисдан тенг баробарига катта. У UFC байроғи остида иккита жанг ўтказган. Тамирес Видални ҳакамларнинг якдил қарори билан мағлуб этган, россиялик Дарья Железняковага эса ютқазган.