22 июн 07:12
Янгиликлар

Теннис

Петра Мартич Остапенкони тўхтатди

Буюк Британиянинг Бирмингем шаҳрида теннис бўйича нуфузли WTA турнири давом этмоқда.

Дунёнинг 25-ракеткаси Петра Мартич чорак финал учрашувида ғалабага эришди. Хорватиялик теннисчи рейтингнинг 37-поғонасидан жой олган латвиялик Елена Остапенкога қарши баҳс олиб борди.

Мартич 2 соату 22 дақиқа давом этган учрашувда 22 ёшли рақибасини 6/7(4), 7/5, 6/1 ҳисобида таслим этди. Энди Петра Nature Valley Classic турнирининг ярим финалида германиялик Юлия Гёргесга қарши кортга чиқади.