25 авг 11:19
Янгиликлар
Теннис
Полина Кудерметованинг US Open 2026 саралашидаги учрашуви 68 дақиқа давом этди
Ўзбекистоннинг учинчи ракеткаси "Катта Дубулға" туркумига кирувчи, умумий мукофот жамғармаси 54 млн АҚШ долларини ташкил этувчи US Open 2026 турнирининг саралаш баҳсларида биринчи рақам остида таснифланганди.
Ҳамюртимиз саралашнинг 1/4 финалида чехиялик 21 ёшли Линда Фрухвиртовага қарши кортга чиқди. Олтмиш саккиз дақиқа давом этган баҳсда афсуски, Полина рейтингда ўзидан қуйида бораётган рақибасига деярли қаршиликсиз имкониятни бой бериб қўйди - 1/6, 3/6.
Таққослаш учун, 23 ёшли Кудерметова WTA рейтингида 97, Фрухфиртова 179-ўринни эгаллаб турибди. Бу теннисчиларнинг ўзаро ўтказган иккинчи учрашуви бўлди. Илк баҳс 2024 йил 23 сентябрь куни Пекин шаҳридаги турнир доирасида бўлиб ўтган ва унда Кудерметова 6/7(3), 6/1, 6/2 ҳисобида ғалаба қозонган эди. Линда бугунги ғалабаси билан мувозанатни тиклаб қўйди - 1:1.
Ҳавола :
Манба : olamsport.com
Фикрлар