Польшалик боксчи Жалоловни оғир вазннинг янги истиқболи сифатида таърифлади

Жалолов ва Соколовски 2022 йилда Дубайда тўқнаш келиб, ўшанда Баҳодир муддатидан олдин ғалаба қозонган эди.

"Рақибларим ичида ким энг зўр эди? Жалолов. У ажойиб ҳаракатлар, яхши маҳорат ва кучли зарбага эга эди. У мени ҳайратда қолдирган биринчи боксчи эди. Мен буни биринчи марта у билан жангда ҳис қилдим. У жуда хавфли. Ўйлайманки, агарда тўғри промоутер бўлса, Жалолов дивизионни қўлга олиши мумкин. Мартин Баколе ва Диллиан Уайт катта ва кучли рақиблар эди, лекин Жалолов рақибларим орасидаги энг зўри", дейди Соколовски.