Порье Хабиб билан жангда Гэтжига "сетка"га яқинлашмасликни маслаҳат берди

Гэтжи Тони Фергюсонни мағлубиятга учратганидан сўнг вақтинчалик чемпионлик камарига эга чиққан ва Хабиб Нурмагомедов билан чемпионлик жангида октагонга кўтарилиш имкониятини қўлга киритганди.

"Гэтжи имкон қадар октагон марказида жанг қилишга интилиши керак. Шундагина ғалабага бўлган имконияти ошади. Агар "сетка"дан узоқроқда жанг олиб борса, Хабибга етарлича муаммо туғдиради. Мабодо, Нурмагомедов Жастинни "сетка"га тақаб олса ёки партерга туширса, у ҳолда Хабибни ғалаба билан табрикласа бўлади. Бошимдан ўтказганим учун бу маслаҳатларни беряпман", — деди Порье.

Эслатиб ўтамиз, Дастин Порье 2019 йилнинг сентябрь ойида Хабиб Нурмагомедовга ютқазганди. Жастин Гэтжи — Хабиб Нурмагомедов жанги сентябрь ойида бўлиб ўтади.