26 фев 15:37
Янгиликлар

Спорт курашлари, Кураш

Пойтахтда спорт курашлари бўйича мамлакат чемпионати ўтказилади

4-9 март кунлари эркин ва юнон-рум кураши кураши бўйича ўсмирлар ҳамда ёшлар ўртасида Ўзбекистон чемпионати бўлиб ўтади.

Мусобақага пойтахтимиздаги “Универсал” спорт мажмуаси мезбонлик қилади. Мамлакат биринчилигида юртимизнинг барча ҳудудларидан истеъдодли ёшлар иштирок этади. 4 март куни спортчиларни тарозидан ўтказиш маросими ташкил этилади ва эртаси куни эътиборан эса чемпионат баҳслари бошланади.

Ўзбекистон чемпионати ғолиблари ўсмирлар ва ёшлар терма жамоасига қабул қилиниб, жорий йил ҳисобидан ўтказиладиган Осиё ва жаҳон чемпионатларида юртимиз спорт шарафини ҳимоя қилиш имкониятини қўлга киритишади.