Prague Masters. Нодирбеклар ғалаба билан бошлади. Амалдаги тож соҳиби Гукеш очко йўқотди

Мазкур шахмат фестивали тоифасига қараб учта гуруҳда ташкил этилмоқда. Кучлилар жам бўлган "Masters" гуруҳида ўзбекистонлик гроссмейстерлар — Нодирбек Абдусатторов ва Нодирбек Якуббоев ҳам бош соврин учун баҳсларга киришди. 

Қувонарлиси, ҳар икки Нодирбек ҳам 1-турни ғалаба билан бошлаб олди. Абдусатторов ҳиндистонлик Аравиндҳ Читамбарамни, Якуббоев эса испаниялик гроссмейстер Дэвид Антонни оқ доналарда мағлубиятга учратди. Аамалдаги жаҳон чемпиони Гукеш Доммараджу 1-турда очко йўқотди. Ҳиндистонлик тож соҳиби оқ доналарда ўйнаганига қарамай, америкалик Ҳанс Ниеманн билан дурангга рози бўлди. 

Prague Masters 1-турида германиялик Винсент Кеймер нидерландиялик Йорден ван Форестга, эронлик Парҳам Мақсудлу чехиялик Давид Наварага имкониятни бой берди. 

Бугун 2-турда Нодирбек Абдусатторов Парҳам Мақсудлуга, Нодирбек Якуббоев эса Гукеш Доммараджуга қарши қора доналарда баҳс олиб боради.