Пратес Ислам Махачевга қарши жанг режасини ошкор қилди

"Ислам билан жанг қилиш ҳар доим жуда қийин. У грепплингда жуда яхши ва унинг зарбаси ҳам ажойиб. Ўйлашимча, дастлабки уч раундда қаттиқ прессингга дуч келардим. Аксарият жангчилар у билан уришганда, унинг тейкдаунларидан ҳимояланишга ҳаракат қилади. Лекин мен энг муҳими қандай қилиб тик туриш устида ишлаш деб ҳисоблайман. Шу билан бирга, унга зарар етказишда давом этиш ва жангни муддатидан олдин якунлашга ҳаракат қилиш керак. Чунки ҳакамлар қарори билан очколар бўйича ғалаба қозониш жуда қийин бўлади. Уни мағлуб этишнинг тўғри йўли нокаут қилишдир. Аммо буни бир зарба билан ҳал қилиб бўлмайди - уни нокаутга учратиш учун бутун жангни маълум бир тарзда ташкил этиш лозим. Ва мен буни қила олишимга ишонаман", - деди бразилиялик нокаутчи Сиднейда бўлиб ўтган матубот анжуманида.

Айни пайтда Карлос Пратес UFC’нинг ярим ўрта вазн тоифаси рейтингида олтинчи ўринни эгаллаб турибди. Унинг навбатдаги рақиби эса дивизионнинг собиқ чемпиони, ўтган йилнинг ноябрь ойида айнан Махачев чемпионлик унвонини тортиб олган австралиялик Жек Делла Маддалена бўлиши мумкин.