President's Cup. Финал ўзбекистонлик теннисчиларсиз ўтади. Жуда аламли ва ғалати мағлубиятлар

Афсуски, мусобақада иштирок этган ҳар икки теннисчимиз ҳам 1/2 финалда уч сет натижасига кўра аламли тарзда мағлубият аламини тотиб кўриб, ўз иштирокини якунлади. Ўзбекистоннинг биринчи ракеткаси Сергей Фомин финал йўлланмаси учун кечган учрашувда рейтингнинг 629-поғонасида бораётган тунислик 29 ёшли Азиз Дугазга 6/4, 1/6, 5/7 ҳисобида имкониятни бой берди. Фомин ҳал қилувчи учинчи сетда 4/1, 5/2 ҳисобларида олдинда бора туриб, матч-боллдан фойдалана олмади.

Таққослаш учун, турнирда учинчи рақам остида таснифланган Фомин ATP рейтингида 308-ўринни эгаллаб турибди. Сергей 126 дақиқалик учрашув давомида 8 та, Азиз эса 10 та эйс зарбасини амалга оширди. Қўшхатолар ҳамюртимизда кўпроқ бўлди - 7 га 4. 

Мамлакатимизнинг иккинчи ракеткаси Ҳумоюн Султонов ҳам уч сетлик учрашувда рақибидан енгилди. Турнирга захира ўйинчиси сифатида қўшилган вакилимиз 1/2 финалда турнирнинг тўртинчи ракеткаси, япониялик Ҳаято Мацуокага 6/3, 3/6, 4/6 ҳисобида ютқазди. Ҳал қилувчи учинчи сетда Ҳумоюн 4/1 ҳисобида ғалаба қозонаётгани жуда аламли бўлди. 

Султонов ATP рейтингида 513, Мацуока 314-ўринни эгаллаб турибди. Икки соату 9 дақиқалик баҳс давомида Ҳумоюн 2, Ҳаято 3 та эйс зарбасини амалга оширди. Қўшхатолар японияликда биттага кўпроқ бўлди - 4 га 3. Бу теннисчиларнинг ўзаро ўтказган иккинчи учрашуви бўлди - 1:1.