20 июл 19:51
Янгиликлар

Теннис

Presidentʼs Cup. Ҳумоюн биринчи ракеткага қарши ярим финалда матч-болдан фойдалана олмади

Қозоғистонинг Нур-Султан шаҳрида теннис бўйича “Челленжер“ туркумига кирувчи турнир ўзининг ҳал қилувчи палласига кирди.

Соврин жамғармаси 135 400 АҚШ долларини ташкил қилувчи мусобақада ҳамюртимиз Ҳумоюн Султонов ҳам муваффақиятли иштирок этди. Кеча чорак финалда рейтингда ўзидан 246 поғона юқоридаги беларуслик Егор Герасимовни мағлуб этган вакилимиз бугун финал чиптаси учун россиялик Евгений Донскойга қарши кортга чиқди.

Уч сет давом этган драматик баҳс якунида дунё рейтингида 383-ўринни эгаллаб турган Ҳумоюн номдор рақибига 6:3, 1:6, 6:7(5:7), ҳисобида имкониятни бой бериб қўйди. Тай-брекда 5:2 ҳисобида ғалаба қозонаётган Султонов аввалига ўзининг иккита, кейин рақиб тўп узатишларини ютқазиб, якунда аламли мағлубиятга учради.