12 авг 16:43
Янгиликлар

Теннис

President's Cup. Саккизинчи ракеткани мағлуб этган Султонов 1/4 финалга чиқди

Теглар : Ҳумоюн Султонов President's Cup

Қозоғистоннинг Астана шаҳрида ўтказилаётган теннис бўйича "Челленжер 50" тоифасига кирувчи, мукофот жамғармаси 63 000 долларни ташкил этувчи турнирда чорак финалчилар аниқланмоқда.

Мусобақада Ўзбекистоннинг иккинчи ракеткаси Ҳумоюн Султонов ҳам муваффақиятли одимламоқда. Турнирга захира ўйинчиси сифатида қўшилган вакилимиз 1/16 финалда италиялик Александр Биндани 6/3, 6/2 ҳисобида мағлубиятга учратганди.

Бугун Ҳумоюн 1/8 финалда турнирнинг саккизинчи ракеткаси, аргентиналик Лучио Раттини мағлуб этишнинг уддасидан чиқди. Бир соату 54 дақиқа давом этган баҳсда Султонов 6/4, 7/5 ҳисобида зафар қучди. Теннисчимиз 6, Ратти 3 та эйс зарбасини амалга оширди. Қўшхатолар наманганлик теннисчида кўпроқ бўлди - 7 га 5. Бу теннисчиларнинг ўзаро ўтказган илк учрашуви бўлди.

Таққослаш учун, Султонов айни пайтда ATP рейтингида 508, Бинда 571, Ратти эса 380-ўринни эгаллаб турибди. Ҳумоюннинг 1/4 финалдаги рақиби кечроқ маълум бўлади.