19 июл 17:30
Янгиликлар

Теннис

Presidentʼs Cup. Султонов ўзидан анча тажрибали теннисчини мағлуб этди

Теглар : Султонов

Қозоғистонинг Нур-Султан шаҳрида теннис бўйича “Челленжер“ туркумига кирувчи турнирнинг ҳал қилувчи баҳслари бўлиб ўтмоқда

Соврин жамғармаси 135 400 АҚШ долларини ташкил қилувчи мусобақада ҳамюртимиз Ҳумоюн Султонов чорак финал баҳсида ўзидан рейтингда 246 поғона баланддаги теннисчи белоруссиялик Егор Герасимовга қарши кортга чиқди.

Икки соату 23 дақиқа давом этган баҳсда Ҳумоюн рақибини 6:7(6:8), 7:6(7:1), 6:4 ҳисобида мағлуб этди.

Маълумот учун Герасимов ATP рейтингида 146, Ҳумоюн эса 383-ўринни эгаллаб турибди.

Энди Султонов финалга чиқиш учун россиялик Евгений Донской-Гаштау Элиаш баҳси ғолибига қарши баҳс олиб боради.