Превью. Истомин Сугитани учинчи маротаба мағлуб этишга уриниб кўради

Теннисчимиз илк даврада япониялик Юичи Сугитага қарши кортга чиқади. Бу икки теннисчининг ўзаро учинчи тўқнашуви бўлади. Бунгача Истомин Сугитага қарши иккита ўйин ўтказган ва иккаласида ҳам ғалаба қозонган. 

Ушбу ғалабалардан бирини у яқинда чемпионликка эришган Чэндудаги турнирда расмийлаштиргани ҳали ёдингиздан кўтарилмаган бўлса керак. 

Ўзаро ўйинлар: 

2009 йил: Истомин - Сугита 6:3, 6:2, 6:2 (Дэвис кубоги)

2017 йил: Истомин - Сугита 6:2, 6:7, 6:0 (Чэнду)

Маълумот сифатида шуни қўшимча қилишимиз мумкин, Стокгольмдаги турнирнинг илк даврасида ғолиб бўлган теннисчилар 20 рейтинг очкоси ва 10 060 АҚШ долларига эга бўладилар. Биринчи даврада мағлуб бўлган теннисчиларга рейтинг очколари берилмайди. Лекин улар ўз ҳамёнларини 5 960 долларга бойитиб оладилар.

Истомин айни пайтда дунё рейтингида 51-ўринни эгаллаб турибди. Сугита эса 36-поғонадан жой олган.

Ушбу баҳс эртага, 16 октябрь куни Тошкент вақти билан соат 18:00дан сўнг бошланиши белгилаб қўйилган.

Азиз Тўхтамуродов