Превью. Жокович ва Тим ўртасидаги Australian Open финали олдидан

Унда сербиялик Новак Жокович ва австриялик Доминик Тим тўқнаш келади. 

Новак Жокович бугун Австралия кортларидаги саккизинчи ғалабасига эришиши мумкин. Австралия кортлари унинг ўйин услубига мослаштирилиб қурилгандай гўё. Серб ушбу мусобақада олти учрашувда рақибларига битта сет ютқазган холос. Қолган барча  учрашувларда Новак рақибларига хеч қандай имконият қолдирмади, ҳаттоки "Маэстро" Рожер Федерер ҳам ярим финалда 3:0 ҳисобида таслим этилди. Бугунги ўйинда Жокович мос равишда фаворит ҳисобланади. 

Доминик Тим грунтда Рафаэль Надалнинг "меросхўри" сифатида қайд этилмоқда. Бунга етарлича сабаблар бор. Сўнги икки мавсум Тим "Роллан Гаррос" мусобақаси финалида ўйнади, аммо хар сафар мағлубият аламини тотиб кўрди. Бу Тим учун "Катта Дубулға" мусобақалари финалидаги учинчи имконият ҳисобланади ва осонликча таслим бўлмаслиги аниқ. Яна шуни таъкидлаб ўтиш лозимки, Доминик ТОП 3 ва ўсиб келаётган "NEXT GEN" авлоди ичидаги вакил ҳисобланади. Шу омилларни ҳисобга олган холда Тимни бир марта "Катта Дубулға" мусобақалари ғолиблигига муносиб деб ҳисобласак арзийди менимча.

Бунгача теннисчилар 10 маротаба тўқнаш келишган ва уларнинг 6 тасида Жокович ғалаба қозонган. 4 марта Тимнинг қўли баланд келган.

Нима бўлганда хам бугун бизни хақиқий аншлаг кутиб турибди. Учрашув Тошкент вақти билан соат 13:30 да бошланади. 

Ҳусниддин Мирзалиев

Теннис оламидаги энг сўнгги янгиликларни ТЕННИС ЯНГИЛИКЛАРИ телеграм канали орқали кузатиб боринг.