09 июн 17:45
Янгиликлар

Бокс/ММА

“Президент кубоги”. Мезбон боксчини мағлуб этган Мелиқўзиев финалда!

Қозоғистоннинг Астана шаҳрида ўтказилаётган бокс бўйича анъанавий “Президент Кубоги” нуфузли мусобақаси якунига яқинлашмоқда.

Турнирнинг -81 кг вазн тоифасидаги баҳсларида юртимиз шарафини ҳимоя қилаётган Бектемир Мелиқўзиев ҳозиргина ярим финал жангида қозоғистонлик Нурдаулетовга қарши рингга кўтарилди. Уч раундлик жанг якунида ҳамюртимиз ғалаба қозонди ва турнирнинг финалига йўл олди.

Эътиборлиси, бу жангда ҳам худди аввалгисида бўлгани рефери иккинчи раундда Бектемирдан бир очко олиб ташлади. Мураббийимиз Раҳматжон Рўзиохунов реферига рақиб боксчимизнинг бошига очиқ қўлқоп билан зарба бераётганини тушунтиришга ҳаракат қилди. Якунда ҳакамларга инсоф келиб қолди чоғи, ҳаққоний ғалабани ҳамюртимиздан олиб қўйишмади.