24 ноя 14:29
Янгиликлар

Шахмат

Prezident Kubogi. Нодирбек ҳиндистонлик рақибга қарши, Синдаров эса дербидаги ўйинини бошлади

Бироз аввал пойтахтимиздаги Халқаро шахмат академияси мезбонлигида ўтаётган нуфузли халқаро мусобақада 4-тур учрашувлари бошланди.

Дунёнинг кўзга кўринган гроссмейстерлари мукофот жамғармаси 75 000 АҚШ долларини ташкил этувчи Prezident Kubogi мусобақаси бош соврини учун баҳс олиб боришяпти. А гуруҳида 3 очко билан қўшимча кўрсаткичларга кўра пешқадамлик қилаётган Ортиқ Ниғматов (2447) гроссмейтеримиз Жавоҳир Синдаров (2682) билан ҳисоб-китоб қиляпти. Синдаров ҳисобида ҳам 3 очко бор.

Иккинчи ўриндан жой олган турнирнинг биринчи рақамли шахматчиси Нодирбек Абдусатторов (2777) ўзи сингари уч очкога эга ҳиндистонлик Мурали Картикян (2625)га қарши ўйнаяпти. Нодирбек учун бу ўйин етакчиликни мустаҳкамлаш ва FIDE Circuit очколари учун муҳим қадам бўлади.