Прохазка Тейшейрага қарши жанг тақдирини ҳакамларга қолдирмоқчи эмас

Чехиялик жангчи чемпион Гловер Тейшейрага қарши кечадиган жанг тақдирини ҳакамлар ҳал қилишигача олиб бормаслигини айтди. 

"Гловер ҳақиқий жангчи, шунинг учун ҳам уни ҳурмат қиламан. Ўзининг 43 ёшида UFC чемпиони бўлди. Бундай натижа кўрсатиш ҳаммага ҳам эмас. Ёш, кучга тўлган рақибларига қарши жанг қилиш ҳақиқий жасорат. Айниқса, унинг Смит ва Сантос устидан қозонган ғалабалари мени ҳайратга солади. Аммо, энди менинг даврим келди. Буни барчага исботлайман. Менга жангларни муддатидан аввал якунлаш ёқади. Шу йўл билан ҳакамлар жанг тақдирини ҳал қилишларига йўл қўймаслик мумкин", - деди Иржи, 

Эслатиб ўтамиз, Гловер Тейшейра - Иржи Прохазка жанги 11 июнь куни Сингапурда ўтадиган UFC 275 турнирининг марказий баҳси бўлади.