03 фев 16:45
Янгиликлар

Футбол

ПСЖ Бернарду Силвадан воз кечмайди

"Манчестер Сити" футболчиси Бернарду Силва ёзда ҳозирги жамоасини тарк этиши мумкин.

Аввалроқ португалиялик футболчи ёзги трансферлар ойнасида "Реал" ёки "Барселона"дан бирига бориб қўшилиши мумкинлиги айтилган эди. Шундай бўлса-да, Франциянинг ПСЖ клуби 28 ёшли футболчи билан битим тузиш фикридан тўлалигича воз кечгани йўқ.

Париж клуби томонидан юборилган 80 млн евролик таклиф рад этилганди. Клуб таркибни Бернарду Силва даражасидаги футболчилар билан бойитишга эътиборини қаратади, чунки жамоа етакчилари босими кучайиб бормоқда. Январь ойида клуб фаол бўлмагани Мбаппенинг ҳафсаласини пир қилган. Парижликлар турли чалкашликлар туфайли Ҳаким Зиешни "Челси"дан ижарага олиш бўйича шартномани дедлайнгача тугаллай олмади.