07 июл 10:01
Янгиликлар
Бокс/ММА
Пётр Ян чемпионлик жанги олдидан коронавирус учун учта тест топширди
Россиялик UFC жангчиси Пётр Ян шу ҳафта сўнггида ўтказиладиган чемпионлик жанги олдидан коронавирус учун учта таҳлил топширди.
Ян 11 июль куни Ясдаги "Жанглар ороли"да бразилиялик собиқ жаҳон чемпиони Жозе Алдуга қарши вакант бўлиб турган UFC чемпионлик камари учун октагонга кўтарилади.
"Ҳа, мен коронавирус учун учта тест топширдим. Ҳозир жамоам билан бирга таҳлил натижаларини кутяпмиз. Ўзимни жуда яхши ҳис қиляпман. Тўғри, ноқулайликлар бор. Лекин бир нарсани утунмаслик керак, ҳозир ҳамма бир хил шароитда. Ташкилотчилар вазиятни назорат қилишяпти.
Аввалига бизни алоҳида-алоҳида хоналарга жойлаштиришди. Ҳозир мураббийим билан битта хонадамиз. Жанг олдидан бу нарса жуда ҳам муҳим. Рақибни ўрганяпмиз, жанг учун тактика ишлаб чиқяпмиз. Ҳар куни енгил машғулот ўтказяпмиз", — дея Яннинг сўзларини келтирмоқда ТАСС.
Ҳавола :
Фикрлар