Пётр Ян Умар Нурмагомедов билан Қатарда жанг қилиш ҳақидаги саволга жавоб қайтарди

"Қатардаги турнирда Умар Нурмагомедов билан бош жангда қатнашиш? Бу менга ҳозирча қизиқ эмас, чунки мен учта ғалабадан иборат сериядаман. Умар эса камида икки-учта жангни ютсин.

Мен у билан Бокуда бўлиб ўтган UFC on ABC 8 турнирида беш раундлик жангни қабул қилгандим. UFC менга таклиф қилди, мен "Ҳа!" дедим. Лекин у "Йўқ" деганда, мен "Унда июлдаги турнирда жанг қилайлик", дедим. Лекин у бу жангга ҳам тайёр эмас эди, улар фақат октябргагина рози эди. Шунинг учун, энди ўз навбатларини кутаверсинлар", — деди Ян жангдан кейинги матбуот анжуманида.