29 сен 11:53
Янгиликлар

Бокс/ММА

"Қария фақат пул топиш учун муштлашяпти" – Анкалаев Перейра ҳақида кескин фикр билдирди

UFC’нинг яримоғир вазн тоифасида (93 кг гача) амалдаги чемпиони россиялик 33 ёшли Магомед Анкалаев бўлажак рақиби бразилиялик Алексе Перейра ҳақида гапирди.

Улар ўртасидаги реванш жанги 5 октябрь куни Лас-Вегас (АҚШ) шаҳри мезбонлик қиладиган UFC 320 турнири доирасида бўлиб ўтади.

"Менимча, унинг қўлидан ҳеч нарса келмайди. У кексайиб қолган, кун ботмоқда. У пул ишлаш учун октагонга чиқади. Қуёши ботишига оз қолди", - деди Анкалаев журналистлар билан учрашувда.

Эслатиб ўтамиз, Анкалаев ва Перейра ўртасидаги биринчи жанг 2025 йил 9 март куни UFC 313 турнирида бўлиб ўтганди. Ўшанда тўлиқ беш раунд давом этган жангда ҳакамларнинг якдил қарори билан Магомед ғалаба қозонганди. Бу Перейра учун ярим оғир вазнга ўтганидан бери биринчи мағлубияти бўлганди.