09 окт 11:56
Янгиликлар
Теннис
"Қарши Фьючерс". Ҳумоюн Султонов ва Олимжон Набиев ғалаба билан бошлади
Қарши шаҳрида теннис бўйича эркаклар ўртасида мукофот жамғармаси 15 000 АҚШ долларини ташкил этувчи "Фьючерс" турнирнинг асосий давраси старт олди.
Ҳозирча турнирнинг асосий даврасида икки нафар теннисчимиз кортга чиқди.
Олимжон Набиев илк даврада украиналик Олег Хотковга қарши ўйин ўтказди. 1 соат 14 дақиқа давом этган ўйинда Набиев 6:2, 6:3 ҳисобида ғалаба қозонди ва иккинчи даврага чиқди.
Турнирда иккинчи рақам остида сараланган Ҳумоюн Султонов эса беларуслик Александр Лианенкага қарши ўйин ўтказди. 1 соат 43 дақиқа давом этган ўйинда Ҳумоюн рақибини 7:5, 6:3 ҳисобларида мағлуб этди ва иккинчи босқич йўлланмасини қўлга киритди.
Иккинчи даврада ҳар икки теннисчимиз ўзаро ўйин ўтказади.
Саралаш баҳслари орқали асосий тўрга етиб келган Марк Тряшкин эса қозоғистонлик Беибит Жукаевга 5:7, 1:6 ҳисобларида имкониятни бой бериб қўйди.
Ҳавола :
Манба : olamsport.com
Фикрлар