Қарши ОПСТТМ жамоаси Иккинчи жаҳон уруши қатнашчиси хонадонида бўлишди + ФОТО

Хусусан, Қарши олимпия ва паралимпия спорт турларига тайёрлаш марказида ҳам Хотира ва қадрлаш кунига бағишлаб маънавий-маърифий тадбирлар ташкил этилди. 

Жумладан, марказ ходимлари ҳамда бир гуруҳ чемпион спортчи-ўқувчилар иштирокида Қарши шаҳрида истиқомат қилаётган Иккинчи жаҳон урушида фашизм устидан қозонилган ғалабага муносиб ҳисса қўшган, Иккинчи жаҳон уруши қатнашчиси, уруш ва меҳнат фахрийси Вера Носирова хонадонида бўлиб, Вера Андреевнага чуқур ҳурмат-эҳтиром кўрсатишди. 

Учрашувда Вера Носирова ёшларга суронли йилларда кечирган қийин ҳаёт йўллари ҳақида сўзлаб бериб, ёшларимиз бугунги тинч ва осуда ҳаётнинг қадрига етишлари кераклигини таъкидлади. 

Шунингдек, Қарши ОПСТТМ жамоаси ўқувчи-ёшлари билан биргаликда Қарши шаҳридаги Мотамсаро она ҳайкали пойига гул қўйишиб, Иккинчи жаҳон уруши пайтида жон фидо қилган қахрамонларимизни ёд этишди.

Илҳом РАҲМОНОВ тайёрлади